/2024.01.09/: Баасан гарагт Alaska Airlines 737 Max 9 онгоц агаарт нисэж байх үед хаалга нь салж унасны дараа тус төрлийн онгоцнуудад шалгалт хийж эхэлсэн юм.
Boeing 737 Max 9 онгоцыг шалгах явцад "нэмэлт чангалах" шаардлагатай боолт олдсон гэж United Airlines мэдэгдэв.
АНУ-ын зохицуулагчид ижил төрлийн 171 онгоцны нислэгийг хойшлуулсан хэвээр байна.
Юнайтед мэдэгдэлдээ: "Бид бямба гарагт урьдчилсан шалгалт хийж эхэлснээс хойш хаалгатай холбоотой тохиолдлуудыг олсоор байна. Жишээлбэл, нэмэлт чангалах шаардлагатай боолт байна" гэв.
АНУ-д ашиглагдаж буй Boeing 737 Max 9 онгоцны дийлэнх хувийг United Airlines болон Alaska компаниуд ашигладаг бол Turkish Airlines, Панамын Copa Airlines, Aeromexico зэрэг компаниуд мөн ижил загварын тийрэлтэт онгоцуудыг шалгалтын зорилгоор газардуулсан байна.
Юнайтед даваа гарагийн байдлаар 200 нислэгээ цуцалсан бөгөөд мягмар гарагт ихээхэн хэмжээний нислэгийг нэмж цуцлагдах төлөвтэй байна гэж мэдэгдэв.
Үүний зэрэгцээ, даваа гарагт АНУ-ын агаарын тээврийг зохицуулдаг Холбооны Нисэхийн Захиргаа (FAA) операторуудад шалгалтын үеэр дагаж мөрдөх хяналтын хуудсыг өгсөн байна.
FAA мэдэгдэлдээ, бүх 737 Max 9 нисэх онгоцыг операторууд "баруун болон зүүн бүхээгийн хаалганаас гарах залгуур, хаалганы эд анги, бэхэлгээг шалгаж дуусах хүртэл" нислэг үйлдэхгүй хэвээр байх болно гэжээ.
Эх сурвалж: ВВС
