/2023.12.18/: Хонь, тэмээний ноосоор ноолуур гаргаж, Өвөрхангай аймгийн хэрэгцээг бүрэн ханнаж буй “Ноос ирээдүй” ХХК-д Хүнс, хөдөө аж ахуй, хөнгөн үйлдвэрийн сайд Х.Болорчулуун ажиллалаа.
Ноосыг үлдэгдэлгүй ашиглаж эцсийн бүтээгдэхүүн үйлдвэрлэгч тус байгууллага ноосны хялгасыг ялгаж үнэргүй, цагаан эсгий үйлдвэрлэдгээрээ орон нутгийн брэнд болоод байгаа аж.
Уулзалтаар “Ноос ирээдүй” ХХК жилийн 4 улиралд зогсолтгүй ажиллаж, борлуулалт сайн байгаагаа онцолсон юм.
Мөн ноосны үйлдвэрлэл эрхлэгчид сайд Х.Болорчулуунд ноос, ноолуурын техникийн зохицуулалт орон нутгийн үйлдвэрлэл эрхлэгчдэд дэмжлэг болж байгаа ч үйлдвэрлэлийн бүх шатанд урамшуулал олговол томоохон дэмжлэг болно гэдгийг дурдлаа.
Эх сурвалж: ХХААХҮЯ
