/2023.12.04/: Говь-Алтай аймгийн Есөнбулаг сум, Алтай хотод 12:00 цагийн байдлаар агаарын температур 0,5 хэм хүйтэн, салхи секундэд 23 метр хүрч хүчтэй шороон шуургатай байна.

Өнөөдөр Баян-Өлгийн нутаг, Ховдын баруун, Увсын зүүн, Завханы хойд болон зүүн хэсгээр цасан шуурга шуурна.

Мөн Баян-Өлгий, Ховдын нутаг, Говь-Алтайн баруун хэсгээр салхи секундэд 18-20 метр, зарим үед секундэд 24 метрийг давж ширүүсэх тул болзошгүй эрсдэлээс урьдчилан сэргийлэхийг анхааруулж байна.