ГАЗЫН ЗУРВАС: Хамгийн сүүлийн үеийн мэдээллийн тойм
Шуурхай мэдээ
 
Энэ мэдээ хуучирсан буюу 2023/12/04-нд нийтлэгдсэн мэдээ болно.

ГАЗЫН ЗУРВАС: Хамгийн сүүлийн үеийн мэдээллийн тойм

Live updates: Israel-Hamas war, Gaza airstrikes, Qatar ceasefire calls

/2023.12.04/: Баасан гарагт Хамас бүлэглэлтэй байгуулсан эвлэрлийн гэрээ дуусгавар болсны дараа Израилын батлан хамгаалах хүчин Газын зурвасыг бүхэлд нь хамарсан хуурай замын ажиллагаагаа өргөжүүлж байгаагаа өчигдөр зарлалаа.

Израйлын цэргийн хүчний хэвлэлийн төлөөлөгч Даниел Хагари хэвлэлийн бага хурал дээр хэлэхдээ, "IDF нь Газын зурвас дахь Хамас бүлэглэлийн бэхлэлтүүдийн эсрэг хуурай замын ажиллагааг дахин эхлүүлж, өргөжүүлж байна" гэжээ.

"Бидний бодлого тодорхой - бид нутаг дэвсгэрийнхээ эсрэг заналхийлсэн аливаа зүйлийг хүчээр дарах болно." гэжээ.

Газын зурвас дахь Израилын дайралтын улмаас аравдугаар сарын 7-ноос хойш 15,200 орчим палестин хүн амиа алдсан гэж Рамалла дахь Палестины Эрүүл мэндийн яамнаас мэдээллээ.

Нүүлгэн шилжүүлэх сэрэмжлүүлэг: Израилын цэргүүд Газын зурваст цэргийн довтолгоогоо дахин эхлүүлсний дараа энгийн иргэдэд Газын бүс нутгийн өмнөд хэсгийн хэд хэдэн хорооллуудыг орхин явахыг уриалав. НҮБ-ын тооцоолсноор Газын 1.8 сая хүн буюу нийт хүн амын 80 орчим хувь нь дотооддоо дүрвэсэн байна.

Шинэ "Мюнхен": Израил олон жил болсон ч хамаагүй Хамас бүлэглэлийг устгахаар шийдсэн гэж дотоодын аюулгүй байдлын дээд албан тушаалтан ням гарагт мэдэгдэв. Хамас бүлэглэглэлийнхэн Газын зурвас, Израил, Ливан, Турк, Катар гээд хаа ч байсан устгах болно гэж Шин Бет компанийн тэргүүн Ронен Бар мэдэгдлээ.

ХАМАС-ын командлагч алагджээ: Израил ням гарагт ХАМАС-ын Шати батальоны командлагчийг агаарын цохилтоор устгасан гэж Израилын батлан хамгаалах хүчин мэдэгдэв. Аравдугаар сарын 7-нд болсон халдлагын үеэр Израилын нутаг дэвсгэрт дайралт хийх үүрэгтэй командлагч Хайтам Хуважари хариуцлага хүлээсэн гэж ОУХХ-ийн хэвлэлийн төлөөлөгч Даниел Хагари мэдэгдэв.

Хуаранд цохилт өглөө: Ням гарагт Газын хойд хэсэгт орших Жабаля дүрвэгсдийн хуаранд Израил цохилт өгчээ.

IDF хонгилуудыг ониллоо: Довтолгооныхоо үеэр Газын зурваст Хамас бүлэглэлийн 500 орчим хонгил устгасан гэж Израилын цэргийн хүчнийхэн мэдэгдэв. Мөн тус анклав дахь 800 гаруй хонгилыг илрүүлсэн гэж мэдэгдээд, олонх нь "иргэний газар нутаг" болон барилга байгууламжид байрлаж байна гэж мэдэгджээ.

Израилын цэргүүд амь үрэгдэв: Газын зурваст хийсэн довтолгооны үеэр дахин хоёр цэрэг амиа алдсан гэж Израилын тал мэдэгдлээ. Израилын хойд хэсэгт орших Бейт Хиллел дэх IDF-ийн машин руу танк эсэргүүцэх пуужин харвасны улмаас 2 цэрэг амь үрэгдэж өөр хэд хэдэн цэрэг "хөнгөн шархадсан".

Сүхбаатар дүүргийн 4, 5 дугаар хороо Партизаны гудамжийг бүрэн камержуулжээ
Сүхбаатар дүүргийн 4, 5 дугаар хороо Партизаны гудамжийг бүрэн камержуулжээ
 
Т.Баярхүү: Хаваржилтын  эрсдэлийг бууруулах ажлыг улс төржүүлэхгүй байхыг  хүсэж байна
Т.Баярхүү: Хаваржилтын эрсдэлийг бууруулах ажлыг улс төржүүлэхгүй байхыг хүсэж байна
Энэ мэдээ хуучирсан буюу 2023/12/04-нд нийтлэгдсэн мэдээ болно.