/2023.10.25/: Хамас бүлэглэлд хоёр долоо хоног олзлогдсоныхоо дараа даваа гарагт суллагдсан энх тайвны төлөө тэмцэгч, 85 настай Йочевед Лифшиц "Би тамд байсан" гэж хэлжээ.
Хатагтай Лифшиц нөхрийг нь ХАМАС-ын зэвсэгт этгээдүүд мотоцикльтой хулгайлж, Газын доорх "аалзны тор" мэт хонгилд аваачсан гэв.
Тэрээр барьцаалагдах үедээ саваагаар цохиулсан гэж хэлсэн ч барьцааны хүмүүсийн ихэнх нь өөртэй нь "сайн харьцаж" байсан гэжээ.
Тэрээр 79 настай Нурит Купер гэх өөр эмэгтэйн хамт даваа гарагийн орой суллагджээ.
Хатагтай Лифшицийг нөхөр Одедын хамт Израилийн өмнөд хэсгийн Нир Оз Киббутзаас аравдугаар сарын 7-нд хулгайлсан юм. Харамсалтай нь түүний нөхрийг одоо болтол суллаагүй байна.
Тель-Авив дахь Ичиловын эмнэлгээс гарсан хэвлэлийн бага хурлын үеэр хатагтай Лифшиц хулгайлагдсаныхаа дараа юу болсныг тайлбарлав.
Тэрээр Газын зурвас руу барьцаанд явахдаа саваа модоор цохиулж, амьсгалахад хүндрэлтэй байсан гэжээ.
Хатагтай Лифшиц хонгилд барьцаалагдсан 25 хүний дунд өөрийгөө байсан гэж хэлсэн бөгөөд хэдэн цагийн дараа түүний кибуцаас таван хүний хамтаар тусдаа өрөөнд оруулсан байна. Тэнд тэд тус бүртээ харгалзагчтай байсан бөгөөд эмчтэй уулзах боломжтой байжээ.
Тэрээр цэвэрхэн өрөөнд шалан дээр гудас тавин унтдаг байсан талаараа ярив. Мөн Газын зурвас руу явах замдаа мотоциклийн осолд орж, хүнд бэртсэн өөр нэг олзлогдогч эмчийн хяналтан дор шархаа эмчлүүлж байсан талаар ярьсан байна.
"Тэд биднийг гэмтээхгүй гэдэгт бид итгэлтэй байсан бөгөөд бид хоёр, гурав хоног тутамд эмчид үзүүлдэг байсан. Мөн бид өөрт шаардлагатай эмээ авах боломжтой бөгөөд тэнд "эмэгтэйчүүдийн эрүүл ахуй" -ын талаар мэддэг эмэгтэйчүүд байсан" гэжээ.
Тэд ХАМАС-ын хамгаалагчдын адил бяслаг, өргөст хэмхтэй питта талх иддэг байсан аж.
Тэрээр суллагдах үедээ барьцаалагчидтай гар барьж байсан бөгөөд сэтгүүлчээс яагаад зэвсэгт этгээдтэй гар барьсныг асуухад хатагтай Лифшиц барьцаалагчид түүнд сайн хандсан, үлдсэн барьцааны хүмүүсийн биеийн байдал сайн байгаа гэжээ.
Эх сурвалж: ВВС
