/2023.10.20/: Сүүлийн жилүүдэд тэргэнцэртэй сэлэмний төрөл Ази тивд хурдацтай хөгжиж байгаа тул "Ханжоу 2022" пара наадмын энэ төрөл маш өрсөлдөөнтэй явагдах болно.
Тэмцээнд нийт 13 орны 90 тамирчин энэ сарын 23-наас эхлэн тав хоногийн турш Ханжоу их сургуулийн спорт танхимд өрсөлдөх юм.
Манай улс Азийн Пара наадамд анх удаа оролцох бөгөөд 3 эрэгтэй, 3 эмэгтэй тамирчин багийн болон ганцаарчилсан төрөлд оролцохоор Ханжоуд очоод байна.
Монголын шигшээ баг:
Эрэгтэй
- Баярмөнх Даваасүрэн
- Баасандорж Пүрэвсүрэн
- Нармандах Булган
Эмэгтэй
- Дамбийбалжир Цолмон
- Жамсранбаатар Нарантунгалаг
- Батхүү Даваасүрэн
Тэргэнцэртэй Сэлэмний төрөлд БНХАУ-ын тамирчид давамгайлдаг ч тэдэнтэй Ирак, Таиланд, Хонконгийн сэлэмчид ширүүн өрсөлдөх нь гарцаагүй.
2018 оны Жакартагийн Азийн пара наадамд Хятадын баг тэргэнцэртэй сэлэмний төрлийн 18 алтан медалийн 16-г нь дангаараа авсан. Таиланд, Хонконгийн баг тус бүр нэг алттай наадмаа дуусгаж байв.
Ханжоу Азийн пара наадмын тэргэнцэртэй сэлэмний төрөл 23-нд эрэгтэй ганцаарчилсан хүнд сэлэмний төрлөөр эхэлж, 28-нд багийн тэмцээнээр өндөрлөнө.
Тэргэнцэртэй сэлэм нь Азийн пара бүх наадмын хөтөлбөрт багтсан төрөл юм.
Эх сурвалж: Wheelchair Fencing Mongolia
