/2023.10.09/: Израилийн цэргүүд болон Хамас бүлэглэлийн дайчдын хоорондын мөргөлдөөнд амь үрэгдэгсэд болон барьцаалагдсан хүмүүсийн талаар дэлгэрэнгүй мэдээлэл гарахын хэрээр Израиль, Газад амь үрэгдэгсдийн тоо нэмэгдсээр байна.
Исламын зэвсэгт бүлэглэл бямба гарагт гэнэтийн дайралт хийснээр Израиль Хамастай албан ёсоор дайн зарлалаа. Израилийн зүгээс Газын цахилгааныг тасалсан нь эмнэлгийн тусламж үзүүлэхэд улам хүндрэлтэй болгож байна.
Өсөж буй тоо: Израильд 700 гаруй хүн амиа алдсан бол палестинд 400 гаруй хүн амиа алдсан байна. Газын зурваст 2300 орчим хүн шархадсан бөгөөд цахилгаан тасарсны улмаас "шархадсан болон бусад өвчтөнүүдийн амь нас дээсэн дөрөөн дээр байна" гэж Газа дахь Палестины Эрүүл мэндийн яам мэдэгдэв.
Хөгжмийн наадам: Израилийн хөгжмийн наадмын талбайгаас 260 гаруй хүний цогцсыг олсон гэж аврах багийнхан мэдэгдэв. Хамас бүлэглэлийн зэвсэгт этгээдүүд өнгөрсөн бямба гарагт Израйль-Газын хилийн ойролцоох арга хэмжээний үеэр зугтаж буй оролцогчдыг буудаж, бусдыг нь барьцаалсан байна.
Барьцаалагдсан хүмүүс: Хамас бүлэглэл Газад армийн өндөр албан тушаалтнууд оруулаад 100 гаруй Израиль хүнийг барьцаалсан гэж тус зэвсэгт бүлэглэлийн хэвлэлийн төлөөлөгч ням гарагт мэдэгдэв. Израилийн иргэдээс гадна Мексик, Бразилийн иргэд барвцаалагдсан байгаа нь Хамас бүлэглэлийн эсрэг Израиль хариу арга хэмжээ авахад хүндрэл учруулж байна.
Тэмцэл үргэлжилж байна: Хамас бүлэглэл өчигдөр Израилийн өмнөд хэсэгт, Газын хойд хэсэгт байрлах Мавкиим орчимд ажиллагаа явуулж байна гэж мэдэгдэв. Хамас мөн Газын зурвастай хиллэдэг өмнөд эргийн Ашкелон хот руу "100 пуужингаар томоохон пуужингийн довтолгоо" хийсэн гэж мэдэгдэв. Израилийн армийн хэвлэлийн төлөөлөгч ХАМАС-ын мэдэгдлийг баталж эсвэл үгүйсгээгүй ч "Бид өмнө зүгт тулалдсаар байна" гэж мэдэгджээ.
Тель-Авив: Ням гарагийн орой Израилийн төв болон хотын захын дүүргүүдэд хүчтэй дэлбэрэлтүүд сонсогдлоо гэж CNN агентлаг газар дээрээс нь мэдээлэв. Хамас бүлэглэл Тель-Авивын ойролцоо байрладаг Израилийн олон улсын төв Бен Гурион олон улсын нисэх онгоцны буудлыг онилж байна гэж мэдэгдэв.
АНУ тийрэлтэт онгоц илгээж байна: АНУ Газар дундын тэнгисийн зүүн хэсэг рүү пуужин устгагч, удирддаг пуужингийн хөлөг онгоцуудыг багтаасан Тэнгисийн цэргийн флотын цохилт өгөх бүлэг илгээж байна. Ливан дахь Хезболла болон Израилийн эсрэг тэмцэж буй бусад зэвсэгт бүлэглэлүүдийг саатуулах зорилгоор АНУ Ойрхи Дорнодод олон сөнөөгч онгоц байрлуулж байна гэж албаны хүмүүс мэдэгдэв.
НҮБ-аас ямар ч арга хэмжээ аваагүй байна: НҮБ-ын Аюулгүйн зөвлөл ням гарагт яаралтай хурал хийсэн боловч ямар ч арга хэмжээ аваагүй байна. НҮБ-д суугаа АНУ-ын Элчин сайдын орлогч хэлэхдээ, "бүх гишүүн орнууд Хамасын халдлагыг буруушаалаа гэсэн ч яг тодорхой хэлээгүй байна. НҮБ-ын аюулгүй байдлын зөвлөл мэдэгдэл гаргахын тулд 15 гишүүн бүгд санал нэгтэй санал өгөх ёстой.
Эх сурвалж: CNN
