/2023.10.05/: Дорноговь аймгийн Сайншанд суманд оршин суудаг Ерөнхий боловсролын сургуулийн сурагч 12 настай эмэгтэй хүүхэд өчигдөр өглөө гэрээсээ гараад сураггүй алга болсон.

Уг хэрэгтэй холбоотой аравдугаар сарын 3-ны орой холбогдох байгууллагууд шуурхай хуралдааныг зохион байгуулсан. Уг хурлаар Сайншандаас орох, гарах автомашины хөдөлгөөнийг түр зогсоож эрэн хайх ажиллагааг 14 сумын хэмжээнд зохион байгуулж шуурхай штаб 24 цагаар ажиллах шийдвэрийг гаргасан юм.

Өнөөдрийн байдлаар уг охиныг эрэн хайх ажиллагаа үргэлжилсээр байгаа бөгөөд эрэн хайх ажилд нисдэг тэрэг ашиглаж эхэлсэн юм.

Тэгвэл уг хэргийн явц болон цаг үеийн асуудлаар өнөөдөр Хөдөлмөр, нийгмийн хамгааллын яам, Гэр бүл, хүүхэд, залуучуудын хөгжлийн газар болон Цагдаагийн Ерөнхий газраас хамтарсан мэдэгдлийг 14:30 цагт хийхээр болжээ.

Эх сурвалж: ЦЕГ