/2023.10.03/: Даваа гарагт Ямайкийн бага сургуулийн 60 гаруй сурагч каннабистай чихэр идсэний улмаас эмнэлэгт хүргэгдсэн тухай албаныхан мэдээлэв.

Боловсрол, залуучуудын сайд Файвал Уильямс CNN-д өгсөн ярилцлагадаа 7-12 насны хүүхдүүдийн биеийн байдал муу байгаа гэв.

Энэ чихэр нь хүүхдүүдийг "бөөлжиж, хий юм үзэхэд" хүргэсэн гэж тэрээр даваа гарагт хуучнаар Twitter байсан X хуудсандаа нийтэлжээ.

Уг чихрийн сав баглаа боодол дээр каннабисын сатива ургамлаас олддог сэтгэцэд нөлөөт бодис болох Delta-8 тетрагидроканнабинол буюу delta-8 THC гэгддэг найрлагыг бичсэн байх бөгөөд АНУ-ын Хүнс, Эмийн Захиргаа (FDA)-ын мэдээлснээр "ТНС нь марихуан болон олсны ургамал гэх хоёр төрөл байдаг" гэж бичжээ.

АНУ-ын агентлагийн мэдээлснээр энэ нь "сэтгэцэд нөлөөлөх, согтууруулах үйлчилгээтэй" аж.

Сайд мөн чихрийн цаасны зургийг хавсаргасан бөгөөд цаасны ар талд нь "хүүхдийн гар хүрэхгүй газар хадгална", "21-ээс доош насны хүн хэрэглэхийг хориглоно" гэсэн засгийн газрын анхааруулгатай байжээ.

Эх сурвалж: CNN