/2023.09.25/: Улаанбаатар хот, Налайх дүүрэг 1 дүгээр хороо Өндөөгийн гарам гэдэг газар 4 хүн зугаалж явснаас иргэн М нь “Тэрэлж” голын усанд ороод живсэн гэсэн дуудлагыг есдүгээр сарын 20-ны өдөр Онцгой байдлын газарт иржээ.

Дуудлагын дагуу Налайх дүүргийн Онцгой байдлын хэлтсийн алба хаагчид есдүгээр сарын 24-ний өдрийн 11:00 цагаас тус дүүргийн 3 дугаар хороонд оршин суугч иргэн М 34 настай, эрэгтэйг эрэн хайх ажиллагааг зохион байгуулсан байна.

Ийнхүү мөн өдрийн 15:28 цагт Баянзүрх дүүргийн 20 дугаар хороо, “Бөөгийн-Урц” гэдэг газар, “Тэрэлж” голын эргээс 2 метр зайтай усны мандал дээрээс цогцсыг олж гарган Баянзүрх дүүргийн Цагдаагийн 3 дугаар хэлтэст хүлээлгэн өгчээ.

Эх сурвалж: ОБЕГ