Украин Севастополийн усан онгоцны үйлдвэр рүү их хэмжээний пуужингийн цохилт өгчээ
 
Энэ мэдээ хуучирсан буюу 2023/09/13-нд нийтлэгдсэн мэдээ болно.

Украин Севастополийн усан онгоцны үйлдвэр рүү их хэмжээний пуужингийн цохилт өгчээ

Smoke rises from the shipyard that was reportedly hit by Ukrainian missile attack in Sevastopol, Crimea, in this still image from video taken on September 13.
Крымын Севастополь хотод Украины пуужингийн довтолгоонд өртсөн усан онгоцны үйлдвэрээс утаа гарч байгааг есдүгээр сарын 13-нд авсан зураг.

/2023.09.13/: Украины арми Крымын Севастополь боомт дахь усан онгоцны засварын байгууламж руу нэг шөнийн дотор өргөн хэмжээний довтолгоо хийсэн тухай Оросын Батлан хамгаалах яам болон Украины мэдээллээс мэдээлэв.

Украины зэвсэгт хүчин “Севастопол дахь С.Оржоникидзегийн нэрэмжит усан онгоцны засварын үйлдвэр рүү 10 далавчит пуужингаар цохилт өгсөн. Украйн Хар тэнгисийн флотын хөлөг онгоцнуудын нэг хэсэг рүү гурван хүнгүй завь илгээсэн" гэж Оросын Батлан хамгаалах яам мэдэгдэв..

Агаарын довтолгооноос хамгаалах хүчнийхэн долоон далавчит пуужинг сөнөөж, эргүүлийн хөлөг онгоц хүнгүй бүх завийг устгасан гэж мэдэгдсэн боловч "засвар хийж буй хоёр хөлөг онгоц дайсны далавчит пуужинд өртөж гэмтсэн" гэдгийг хүлээн зөвшөөрлөө.

ОХУ-аас томилогдсон Севастополь хотын захирагч Михаил Развожаев ч мөн томоохон халдлага болсныг баталж, пуужингийн цохилтоос болж гал гарсан гэж мэдэгдэв.

Түүний хэлснээр 24 хүн шархадсан бөгөөд дөрвөн хүний биеийн байдал дунд зэрэг байгаа аж.

In this handout photo released by the Governor of Sevastopol Mikhail Razvozhaev on September 13, Razvozhaev speaks on the mobile phone as smoke and flame rise from a burning Sevastopol shipyard in Crimea.

Оросын нэгэн албан бус цэргийн блогчин "Дизель цахилгаанаар ажилладаг Ростов-на-Дону шумбагч онгоц болон том десантын Минск хөлөг онгоц шатсан. Хоёр хөлөг онгоц хуурай усан онгоцны зогсоолд засвар хийж байсан" гэжээ.

Өөр нэг албан бус мэдээгээр Украин Британид үйлдвэрлэсэн "Storm Shadow" пуужинг ашигласан гэж мэдэгджээ.

Энэ халдлага нь Украины цэргүүдийн боомт руу хийсэн хамгийн амбицтай халдлага байсан бололтой. Өмнө нь Севастополь хотод нисгэгчгүй онгоцоор халдлага үйлдэж, далайн боомтоор нэвтрэхийг оролдож байсан юм.

Эх сурвалж: CNN

“ЭТТ” ХК “Чалко” компаниас авсан урьдчилгаа төлбөрийг бүрэн төллөө
“ЭТТ” ХК “Чалко” компаниас авсан урьдчилгаа төлбөрийг бүрэн төллөө
 
Хамтарсан Засгийн газар анхны хуралдаанаа хийв
Хамтарсан Засгийн газар анхны хуралдаанаа хийв
Энэ мэдээ хуучирсан буюу 2023/09/13-нд нийтлэгдсэн мэдээ болно.