/2023.08.09/: Оросын агаарын довтолгооноос хамгаалах зэвсэгт хүчнийхэн Москваг чиглэж байсан хоёр зэвсэгт нисгэгчгүй онгоцыг устгасан гэж хотын дарга мэдэгдлээ.
Тодруулбал, лхагва гарагийн үүрээр нэг нисгэгчгүй онгоцыг хотын өмнөд захад орших Домодедово дүүрэгт, хоёр дахь нь нийслэлээс баруун зүгт орших Минскийн хурдны замын орчимд буудсан байна.
“Хоёр байлдааны дрон хот руу нисэх гэсэн оролдлого бүртгэгдсэн. Хоёуланг нь агаарын довтолгооноос хамгаалах хүчнийхэн сөнөөсөн" гэж Москва хотын захирагч Сергей Собянин өөрийн Telegram хуудсаараа дамжуулан мэдээлжээ.
"Одоогийн байдлаар онгоцны сэг унасны улмаас ямар нэгэн хохирол учирсан гэх мэдээлэл алга байна" гэж тэр хэлээд Онцгой байдлынхан газар дээр нь ажиллаж байна.
Энэхүү нисгэгчгүй онгоцоор хийсэн дайралт нь долоо хоногийн дотор Москвад халдахыг оролдсон гурав дахь тохиолдол байв.
Эх сурвалж: Aljazeera
