/2023.8.6/ Увс аймгийн Тариалан сумын Хөхөө багийн “Бага-Улиас” гэдэг газар 3 хүүхэд аянганд цохиулжээ.
Тус газар нь аймгийн төвөөс урд зүгт 24 км, сумын төвөөс баруун хойд зүгт 7 км-т байршдаг. Наймдугаар сарын 05-ны өдрийн 22:00 цагийн орчим бага зэргийн бороо оржээ. Улмаар 23:58 цагт "Гурван хүүхэд аянганд цохиуллаа" гэх дуудлагыг зохих байгууллагынхан хүлээн авсан байна.
Тус газарт сумын Засаг даргын Тамгын газрын даргаар ахлуулсан ажилтнуудыг 23:00 цагт очиход гэрийнхээ гадаа байсан 12 настай охин Э болон 11 настай охин М нар аянганд цохиулсны улмаас амиа алдсан байжээ. Харин 14 настай хүү Э түлэгдсэн байдалтай ч ухаантай байсан тул түүнд эмнэлгийн анхны тусламж үзүүлж аймгийн Нэгдсэн эмнэлэг рүү тээвэрлэж хүргэсэн байна.
Эх сурвалж: Онцгой байдлын ерөнхий газар
