/2023.8.6/ Цаг уурын байгууллагын ирүүлсэн мэдээгээр наймдугаар сарын 6-ны 08:00 цагийн ажиглалтын мэдээг хүргэж байна.

Улаанбаатар хот орчмын голууд усны түвшний хэлбэлзэл багатай байгаа хэдий ч Сэлбэ гол Санзай, Дамбадаржаа орчимд үерийн түвшинг 6-8 см давсан байдалтай байна.

Орсон хур борооны эрчимшил хэмжээнээс шалтгаалан голуудын усны түвшин огцом нэмэгдэх, хуурай сайр, жалгаар уруйн үер буух нөхцөл бүрдээд буй тул жижиг гол, хуурай сайрын сав газар хийгээд татам, эрэг хөвөө дагуу суурьшсан ард иргэдийг гэнэтийн уруйн үерийн аюулаас сэрэмжтэй байхыг онцгойлон анхааруулж байна.

Эх сурвалж: Онцгой байдлын ерөнхий газар