/2023.7.6/ Нийслэлийн онцгой комиссын шуурхай штабаас Playtime наадмын арга хэмжээг зохион байгуулагчдад үйл ажиллагаагаа зогсоох зөвлөмж хүргүүлжээ.

Нийслэлийн онцгой комиссын шуурхай штабаас:

"Одоогоор ноцтой байдал үүсээгүй ч Туул гол дагуу зохион байгуулагдах учир нөхцөл байдал хүндрэх эрсдэл бий гэж үзсэн. Албан ёсоор наадмын арга хэмжээг зогсоох тухай шийдвэр гараагүй байна. Хэрэв нөхцөл байдал хүндэрвэл НОК-оос шуурхай арга хэмжээ авч, арга хэмжээг албадан тараана. Онцгой байдлын байгууллага байнгын хяналт тавин ажиллаж байна" гэж мэдээллээ.

Өнөөдрийн байдлаар голуудын усны түвшин 10-80 см-ээр нэмэгдэж байна.

НИЙСЛЭЛИЙН ОНЦГОЙ КОМИССЫН ШУУРХАЙ ШТАБ