/2023.06.19/: Урин дулаан цаг ирж иргэд амралт, сувиллын газруудыг ихээр зорих болсонтой холбогдуулан хуурамч мэдээлэл тараан иргэдийг төөрөгдүүлсэн хэрэг гарсан байна.

Энэ тухай ЭМДЕГ-аас мэдэгдэл гаргасныг хүргэж байна. Мэдэгдэлд,

"Зарим рашаан, сувилалын байгууллага ЭМДЕГ-тай гэрээлээгүй хэдий ч ЭМД-ын хөнгөлөлттэй үнээр тусламж, үйлчилгээ үзүүлж байгаа мэтээр зөрүүтэй мэдээлэл өгч иргэн-даатгуулагчдыг төөрөгдүүлж байна.

Тухайлбал, “Аварга тосон” рашаан, сувилал нь ЭМДЕГ-тай гэрээлээгүй. Гэсэн хэдий ЭМДЕГ-тай гэрээтэй, ЭМД-ын хөнгөлөлттэй үнээр үйлчилгээ үзүүлж байгаа гэх худал, ташаа мэдээллийг өөрийн албан ёсны цахим хуудас болон лавлах утсаараа дамжуулан өгч байна.

Тиймээс иргэд рашаан, сувилалд тусламж, үйлчилгээ авахдаа ЭМДЕГ-тай гэрээ бүхий 55 байгууллагаас сонгон үйлчлүүлэх болон 1800-1363 дугаарын утсаар гэрээт байгууллагуудын мэдээллийг лавлаарай" гэжээ.

Гэрээт рашаан, сувилалуудын дэлгэрэнгүй мэдээлэлтэй ЭНД танилцаарай.

Эх сурвалж: ЭМД