/2023.06.06/: Хөвсгөл аймгийн Цагаан-Уул сумаас 50 бодгаль тарвагыг Жаргалант суманд сэргээн нутагшуулах ажлыг ан амьтны мэргэжлийн байгууллага болох агнуурын менежментийн "ТЭХ төв" ТББ-тай хамтран зохион байгуулсан байна.
Шилжүүлэх тарваганаас Зоонозын өвчин судлалын төв тарваган тахлын түргэвчилсэн тестээр шинжилгээ авчээ.
Тарвага нь цөлжилтөөс урьдчилан сэргийлэх, газрын хөрсийг сийрэгжүүлэх, ургамлын гарцыг нэмэгдүүлэхэд чухал үр нөлөөтэй ба бүс нутгийн биологийн төрөл зүйл нэмэгдэж, экологийн тэнцвэрт байдлыг хадгалахад ихээхэн ач холбогдолтой юм.
