/2023.06.03/: Ирэх даваа гарагаас эхлэн тусгай хамгаалалтын газарт нэвтрэх иргэн, тээврийн хэрэгслийн хураамж нэмэгдэж байна.
Байгаль орчин, аялал жуулчлалын сайдын 2023 оны А/71 дүгээр тушаалаар ТХГН-т нэвтрэх хураамжийн хэмжээг шинэчлэн тогтоосон ба нэвтрэх нэг удаагийн тасалбарыг Welcome to Mongolia уриалгатай нийцүүлэн шинэчиллээ.
Шинэчилсэн журмаар Дархан цаазат газарт нэвтрэх иргэн 5 мянган төгрөг төлөх бол автомашин 15000 төгрөгийн хураамж, Тусгай хамгаалалтын газарт нэвтрэх иргэн 3 мянган төгрөг, автомашин 9 мянган төгрөг төлөхөөр болжээ.
Иймд Горхи-Тэрэлжийн байгалийн цогцолборт газар болон Богдхан уулын дархан цаазат хамгаалалтын хамгаалалтын захиргаад журмын хэрэгжилтийг ханган, нийтэд сурталчлан таниулах ажлыг зохион байгуулж, бусад хамгаалалтын захиргаадад зургаадугаар сарын 5-аас эхлэн нэвтрэх тасалбарыг хүргүүлэх юм.
