/2023.05.12/: Тайвань-Хятадын хурцадмал байдал болон ирэх долоо хоногт G7-ийн удирдагчдыг Япон улс хүлээн авахаар бэлтгэж байгаа энэ үед Хятадын тэнгисийн цэргийн флот 12 хоногийн турш Японы гол арлуудыг тойрон аялж, цэргийн хүчээ харуулсаар байна.

Японы Батлан хамгаалах яам пүрэв гарагт Ардын Чөлөөлөх Армийн Тэнгисийн цэргийн хүчний хамгийн хүчирхэг байлдааны хөлөг онгоцуудын нэг, жижиг эсминец, фрегат болон хангамжийн хөлөг онгоц зэрэг хэд хэдэн байлдааны усан онгоцууд байгаа талаар мэдээллээ.

Японы нийтэлсэн газрын зурагт байлдааны усан онгоцнуудын аялал дөрөвдүгээр сарын 30-ны өдрөөс Өмнөд Солонгос, Японы хоорондох Цүшимагийн хоолойноос эхэлж, тавдугаар сарын 5, 6-нд Хоккайдо арлын хойд үзүүрт Цугару хоолойгоор дамжиж, дараа нь пүрэв гарагт Токиогийн өмнөд хэсэгт орших Изү арлын гинжин хэлхээгээр явсныг харуулж байна.

Японы Батлан хамгаалах яам пүрэв гарагт нийтэлсэн өгүүлэлд Хятадын төрийн мэдлийн Global Times флотын аяллыг Хятадын Коммунист нам Тайваний талаарх Японы сүүлийн үеийн өдөөн хатгасан үг, байр суурьтай холбон тайлбарлав.

"Хэдийгээр энэ аялал нь олон улсын хууль тогтоомжийг зөрчөөгүй, гуравдагч этгээдэд чиглээгүй, ХАЧА-ын Тэнгисийн цэргийн алс тэнгисийн ердийн сургуулилт байж магадгүй ч энэ нь Японд өгсөн хүчтэй мессеж гэж үзэж байна" гэж Хятадын мэргэжилтнүүдээс иш татан Global Times мэдээллээ.

Эх сурвалж: CNN