2023.05.01/: Туркийн Ерөнхийлөгч Режеп Тайип Эрдоган ням гарагт тус улсын тагнуулын хүчин ISIS бүлэглэлийн толгойлогчийг Сирид устгасан гэж мэдэгдлээ.

Эрдоган нэгэн нэвтрүүлэгт Туркийн Үндэсний тагнуулын байгууллага Абу аль-Хуссейн аль-Хусейни Аль-Курши гэгддэг этгээдийг “удаан хугацаанд” мөрдөж байсан ч өчигдөр Сирид MIT (Туркийн Үндэсний тагнуулын байгууллага)-ын явуулсан ажиллагааны үеэр устгасан” гэв.

Аль-Курши өнгөрсөн аравдугаар сард Сирид Сирийн чөлөөт армийн гарт алагдсан түүний өмнөх удирдагч Абу аль-Хасан аль-Хашми аль-Курайшийг нас барсны дараа ISIS-ын удирдагч болсон юм.

Одоогийн байдлаар Туркийн Ерөнхийлөгчийн бие таагүй байгаа бөгөөд тун удахгүй түүний хувьд маш чухал сонгууль болохоор хүлээгдэж байгаа юм.

Мягмар гарагт болсон телевизийн ярилцлагын дундуур Эрдоган гэнэт нэвтрүүлгийг орхисон бөгөөд эмч нар нь түүнд гэртээ амрахыг зөвлөсөн учир олон нийтийн арга хэмжээнүүдээ цуцалсан байна.

Пүрэв гарагт Туркийн засгийн газар түүний эрүүл мэндийн талаарх мэдээг “үндэслэлгүй мэдэгдэл” хэмээн няцаасан байна.

Эх сурвалж: CNN