/2023.05.01/: Нийслэлийн зүгээс явган хүний замыг хаасан, үзэгдэх орчин хязгаарлан байрлуулсан, өнгө үзэмжгүй түргэн үйлчилгээний /ТҮЦ/ цэгүүдийг нүүлгэж эхлээд байгаа билээ.
Тэгвэл Монголын ТҮЦ-ээр амьдрагчдын холбооноос Тусгаар тогтнолын ордны гадаа өнөөдрөөс өлсгөлөн зарлаж эхэлжээ.
Өлсгөлөн зарлаж буй иргэд Нийслэлээс гаргасан зөвшөөрөл шаардахгүйгээр үйлчилгээ эрхэлж болно гэсэн захирамжийн дараа ТҮЦ эрхлэгчид маш их болсон. Харин өөрсдөө ингэж зөвшөөрсөн хирнээ олон ТҮЦ-тэй бизнес эрхлэгчдийн ТҮЦ-ийг ачихын оронд ТҮЦ-ээр амьдралаа авч яваа иргэдийн ТҮЦ-ийг ачиж байгааг эсэргүүцэж байна гэв.
