/2022.08.05/ Шударга өрсөлдөөн хэрэглэгчийн төлөө газар /ШӨХТГ/-аас Банк, ШТС-уудад мэдэгдэл хүргүүлжээ.

Тодруулбал, Иргэдээс "банкууд иргэд, үйлчлүүлэгчдийг ариун цэврийн өрөөг хэрэглэх боломжоор хангадаггүй, төлбөртэй ашиглуулж байгаа нь хууль зөрчиж байна" гэх гомдол иржээ. Харин Эрүүл ахуйн тухай хуулийн 7 дугаар зүйлийн 7.5-д “Худалдаа, үйлчилгээний байгууллага нь эрүүл ахуйн нөхцөл, шаардлага хангасан, үйлчлүүлэгч чөлөөтэй ашиглах боломжтой ариун цэврийн өрөө, гар угаах хэрэгсэлтэй байна” гэж заасан байдаг.

Тиймээс үүний дагуу дээрх газруудад мэдэгдэл хүргүүлсэн байна.