/2022.07.26/: Агаарын хэм цельсийн 40 хэмээс хэтрэх төлөвтэй байгаа тул Хятадын бараг 70 орчим хотод хэт халалтын сэрэмжлүүлэг зарлалаа гэж Хятадын цаг уурын газраас мэдээллээ.
Мөн Хятадын бусад 393 хот, мужид цельсийн 35 хэм ба түүнээс дээш халах төлөвтэй байгаа аж.
Хятадад агаарын температур дэлхийн дунджаас илүү хурдацтай нэмэгдэж байгаа бөгөөд сүүлийн үеийн халууны давалгаа нь дэлхийн дулаарлын хурдацтай холбоотой байгаа тул дэлхий нийтийн санааг зовоож байна.
Гурав ба түүнээс дээш хоног үргэлжилдэг "хэвийн бус халуун цаг агаар" гэж тодорхойлсон энэхүү халалтын давалгаа энэ сард хоёр дахиа тохиож байна. Өдөр тутмын дундаж температур нь 1961 оноос хойших хамгийн өндөр температур байгаа бөгөөд ням гарагт Жэжян, Фүжянь мужид 13 улсын цаг уурын станцууд болон орон нутгийн температурын дээд хэмжээнд хүрсэн буюу түүнээс давсан байна.
Үндэсний цаг уурын төвийн ахлах цаг уурын мэдээлэгч Фү Жяолань хэлэхдээ "Сүүлийн халалтын давалгаа долоодугаар сарын 5-17-ны хооронд бараг хоёр долоо хоног үргэлжилсэн халалттай төстэй байх төлөвтэй байна" гэж төрийн хэвлэл мэдээллээ. Олон бүс нутагт агаарын температур "улаан түгшүүрийн" түвшинд хүрэх төлөвтэй байгаа тул энэ хүнд цаг агаар нь илүү олон хүнд нөлөөлж болзошгүй юм.
Хятад улс цаг агаарын мэдээний дөрвөн шатлалт систем ажиллуулдаг бөгөөд улаан дохио нь Цельсийн 40 градус ба түүнээс дээш температурыг, улбар шар нь 35 градус ба түүнээс дээш бол шар, цэнхэр өнгөтэй болохыг харуулж байна.
Даваа гарагийн байдлаар 67 хот улаан дохио зарласан байна. Гуанжоугийн орон нутгийн цаг уурын товчооноос "Халалт 23 хоног үргэлжлэх төлөвтэй байгаа бөгөөд энэ нь Хятадын өмнөд хэсэгт 1951 оноос хойших хамгийн урт халуун өдрүүд байх болно" гэв.
Шиньжяны цаг уурын ажиглалтын төвийн ахлах мэргэжилтэн Чен Чунян ням гарагт төрийн хэвлэлд өгсөн ярилцлагадаа, энэхүү хэт халалтын давалгаа нь тус бүс нутагтай хил залгаа уулс дахь мөсөн голын хайлалтыг түргэсгэж байна гэв.
"Өндөр температур үргэлжилсээр байгаа нь уулархаг нутаг дахь мөстлөгийн хайлалтыг түргэсгэж, олон газарт шар усны үер, шавар, хөрсний гулгалт зэрэг байгалийн гамшигт үзэгдэл болсон" гэж Чен хэлэв.
Эх сурвалж: CNN
