/2022.07.20/: АНУ газрын тосны үнийг бууруулахын тулд онцгой нөөцийн сангаасаа энэ сард 5 сая гаруй баррель тосыг Европын болон Азийн зарим улсуудад экспортлоод байна.
Аравдугаар сар хүртэл энэ сангаас 10 сая баррель тос гаргах бөгөөд АНУ-ын онцгой нөөцийн сан өнгөрсөн сард 1986 оноос хойшхи хамгийн бага түвшиндээ хүрсэн байна.
АНУ-д түүхий тосны үнэ баррель нь 100 ам.доллараас давж, шатахуун, дизел түлшний үнэ галлон нь 5 ам.доллараас даваад байна. АНУ-ын албаны хүмүүс хэрэв нөөцийн санг хэрэгжүүлээгүй бол газрын тосны үнэ илүү өндөр байх магадлалтай байсан гэж тайлбарлаж байна.
АНУ-ын Ерөнхийлөгч Жо Байден бямба гарагт шатахуун нийлүүлэгчдийг үнээ бууруулахыг уриалсан байна.
Эх сурвалж: АМГТГ
