/2022.07.20/: Европ тивийг нөмрөөд буй хэт халалтаас шалтгаалж нас баралт нэмэгдэж удаа дараагийн аймшигт гал түймрүүд гарсаар байна.
Европ тивд үүсээд буй хэт халалтын талаарх сүүлийн үеийн мэдээлэл:
-Их Британи ихэвчлэн илүү зөөлөн уур амьсгалтай байдаг ч энэ удаад 40 хэмээс дээш халж байна.
-Герман улс энэ оны хамгийн халуун өдрүүдийг туулж байгаа бол Португалд олон хоног хэт халсны улмаас амиа алдагсдын тоог нэмэгдэв.
-Үхлийн аюултай ой хээрийн түймэр тивийг бүхэлд нь хамарчээ. НҮБ-ын Дэлхийн цаг уурын байгууллагаас (WMO) нөхцөл байдал цаашид улам дордохыг анхаарууллаа.
-Хүний үйл ажиллагаанаас үүдэлтэй уур амьсгалын өөрчлөлтөөс болж халууны долгион улам бүр ойр ойрхон, хүчтэй болж, удаан үргэлжилнэ гэж таамаглаж байна.
-ДЭМБ-ын тэргүүн Петерри Таалас "Ирээдүйд ийм төрлийн халууны давалгаа хэвийн үзэгдэл болох болно, бид бүр илүү хүчтэй эрс тэс цаг агаарыг харах болно" гэж мэдэгдэв.
-Их Британид хэт их халалт үүссэнээс шалтгаалж гал түймрийн аюулд өртөөд байна.
-Лондонгийн зүүн хэсэгт орших Веннингтон хотод гарсан томоохон түймрийн улмаас байшингууд шатжээ. Нүүлгэн шилжүүлэх шаардлагатай болсон оршин суугчид BBC-д хэлэхдээ галын улмаас найман байшин, орон нутгийн сүм шатсан гэж мэдэгдсэн бол ослын газарт байсан гал сөнөөгч үүнийг "халуун там" гэж тодорхойлсон байна.
-Францад өнгөрөгч даваа гарагт 64 өөр бүс нутагт хамгийн өндөр температур бүртгэгджээ.
-Хэдийгээр эх газрын Францын хувьд урьд өмнө байгаагүй дээд цэгт хүрч чадаагүй ч тус улсын баруун өмнөд хэсэгт сүүлийн 30 гаруй жилийн хугацаанд хамгийн том ой хээрийн түймэр гарчээ. Долоодугаар сарын 12-ноос хойш дарс тариалж буй Жиронде мужийн 19,300 гаруй га (47,700 акр) талбай түймэрт өртөөд байна.
-Хэт халуун, түймрийн аюулаас болж 34,000 орчим хүнийг гэр орноосоо нүүлгэн шилжүүлэх шаардлагатай болжээ.
