/2022.07.01/ УИХ-ын гишүүн Д.Ганбат өнөөдөр чуулганы үеэр УИХ дахь АН-ын бүлгийн үйл ажиллагаа дуусгавар болж байгаа талаар мэдэгдсэн юм.
Энэ талаар тэрээр:
-УИХ-ын тухай хуулийн 31 дүгээр зүйлийн 31.1, 31.2, 31.4, АН-ын үндсэн дүрмийн 5 дугаар 5.1 дүгээр заалтуудыг тус тус удирдлага болгон тогтоох нь.
Нэгдүгээрт. УИХ дахь АН-ын бүлгийн дарга Д.Ганбат нь бүлгээс гарах өргөдөл өгсөнтэй холбогдуулан үлдсэн гишүүдийнх нь тоо УИХ-ын тухай хуулийн 31.1-т заасан хязгаарт хүрэхгүй болсон тул 2022 оны долоодугаар сарын 1-ний өдрөөс эхлэн УИХ дахь АН-ын бүлгийн үйл ажиллагааг дуусгавар болгосугай.
Хоёрдугаарт. УИХ дахь АН-ын үйл ажиллагааг дуусгавар болгосон талаар албан ёсны шийдвэрийг УИХ-ын дарга Г.Занданшатарт хүргүүлэхийг АН-ын удирдлагад даалгасугай хэмээн мэдээлсэн юм.
