/2022.06.29/: Элсэлтийн ерөнхий шалгалтын 2022 оны дүн гарлаа. Энэ дүнгээс бид дараах хичээлүүдийг сонгон, медиан оноогоор нь эрэмбэлэн харуулж байна.
МЕДИАН ОНОО ГЭЖ ЮУ ВЭ?
МУИС-ын дэд профессор Б.Ганбат “Median дундаж гэдгийг ойлгох юм бол Монгол улсын боловсрол ямар хүнд байдал байгааг ойлгох болно” гээд дараах байдлаар медиан оноог тайлбарлажээ.
Тэрээр: Монгол хэлний median дунджаар 52 гэдэг нь Монгол хэлний 100 онооноос 52 оноо авч байна. Хими дээр 100 онооноос 22 оноо. Химийн босго 400 оноо гэдэг 100-аас 16 оноо авсан гэсэн үг. Юу ч бодохгүйгээр Зөвхөн А хариултыг дугуйлахад авах боломжтой байж магадгүй. Өөрөөр хэлбэл нэг хариулт сонгож бөглөөд дээд сургуульд орж магадгүй гэсэн үг. Нэмэлт мэдээлэл байвал зөв, бурууг харж болно.
Физик, Англи хэл, Математик, Хими медиан оноог 50 дөхүүлэх зорилго тавьж ажиллах хэрэгтэй байна. Тэгэхгүй бол байгалийн ухааны хичээл сөнөж байна. Хэмжиж чаддаг юмыг сайжруулах зорилго тавьж байж хийсэн ажил хэр үр дүнтэй байгааг хэлж чадна.
