/2022.06.22/ Хан-Уул дүүргийн 18 дугаар хороонд баригдаж буй байгууламж дээр ажиллаж байсан сунадаг автокран унаж хоёр иргэн амиа алдлаа гэх дуудлага мэдээлэл өнөөдөр өдрийн 12:52 цагт цагдаагийн байгууллагад иржээ.

Одоогоор шалгалтын ажиллагааг явуулж байгаа аж. Үүнтэй холбоотойгоор цагдаагийн байгууллагаас тодруулахад, "Бидэнд ирсэн мэдээллээр тус барилга дээр ажиллаж байсан 36 настай эрэгтэй “Х”, 20 настай эрэгтэй “Б” нар нас барсан бөгөөд Хан-Уул дүүргийн цагдаагийн нэгдүгээр хэлтэсд шалгалтын ажиллагааг явуулж байна" гэлээ.