/2022.06.22/ Засгийн газрын хуралдаанаас гаргасан шийдвэрийг танилцуулж байна.

Зам, тээвэр хөгжлийн сайд Л.Халтар:

-Өнөөдрийн Засгийн газрын хуралдаанаар агаарын тээврийн талаар авах зарим арга хэмжээний тухай тогтоолыг баталлаа. Тогтоол хоёр хэсгээс бүрдэж байна. Эхнийх нь, МИАТ компанид 4,7 орчим тэрбум төгрөгийн санхүүжилтийг Засгийн газрын нөөц хөрөнгөнөөс олгохоор болсон. Тус компани одоогийн байдлаар Франкфурт чиглэлд 7 хоногт хоёр удаа нислэг үйлдэж байгаа. Аялал жуулчлалын улирал болох 7,8,9 сард нислэгийн давтамжийг 7 хоногт тав болгох зорилгоор ийнхүү санхүүжилт олгож байна гэлээ.