/2022.05.27/: Харьков мужийн цэргийн захиргааны дарга Олех Сыньехубовын хэлснээр, пүрэв гарагт хотын төвийн ойролцоох орон сууцны хороолол руу гал нээснээс болж есөн хүн, түүний дотор таван сартай хүүхэд амь үрэгджээ.

Амь үрэгдэгсдийн дунд гудамжаар алхаж явсан нэгэн гэр бүл байсан бөгөөд таван сартай хүүхдээ гартаа тэврээд нас барсан байв.

Украины хоёр дахь том хотын орон сууцны хорооллыг их буугаар онилсон нь нутгийн оршин суугчдыг “айдаст автуулах” зорилготой байж болзошгүй гэж мэдэгджээ.

Буудлагыг тус мужийн хойд зүгээс хийсэн бөгөөд Украины цэргийн удирдлагууд "манай цэргүүд байрлалаа хадгалж, дайсныг аажмаар хил рүү түлхэж байна" гэв.

Харьковын Шевченковский болон Киевскийн дүүргүүд "их бууны суманд өртсөн" гэж албаны хүн нэмж хэлэв. Түүний хэлснээр амь үрэгдэгсдээс гадна 19 хүн шархадсаны дотор есөн настай хүүхэд байжээ.

"Манай зэвсэгт хүчин байр сууриа баттай барьж байгаа бөгөөд Харьков хотыг Оросуудад алдана гэж байхгүй" гэж тэр хэлэв.

Эх сурвалж: CNN