/2022.5.23/ Өнгөрөгч амралтын өдрүүдэд Нийгмийн хамгаалал, хөдөлмөрийн сайд А.Ариунзаяа хүүхдийн зуслангуудын үйл ажиллагаатай танилцжээ.

Тэрээр "Найрамдал зуслан зургаадугаар сарын 3-наас хүүхдүүдээ хүлээж авч эхэлнэ. Засвар тохижилт, бүтээн байгуулалтын ажлууд нь төсвийн хүндрэлээс үүдэж цаг алдаж бас жил өнжсөн асуудлууд энэ зусланд бий. Дулаан хангамж, усан спорт цогцолборын бүтээн байгуулалт, байрны засвар үйлчилгээ гээд. Зуслангийн удирдлагууд болон гүйцэтгэгч компанийн төлөөллүүдтэй уулзаж тулгамдаж буй асуудал, тэдгээрийн гарц шийдлийг ярилцлаа" хэмээн бичжээ.

Улсын хэмжээнд 56 зуслан бүртгэлтэй байдгаас 23 нь орон нутагт, 33 нь Улаанбаатар хотын ойр очинд байна.