/2022.05.20/: Хөдөө аж ахуйн ээлжит тооллого орон даяар эхэлж байна. Тооллого тавдугаар сарын 21-нээс долоодугаар сарын 8-ны өдрүүдэд зохион байгуулагдана.

• Тавдугаар сарын 21-нээс зургаадугаар сарын 3-ны өдрүүдэд Булган, Орхон аймагт
• Зургаадугаар сарын 6-19-ний өдрүүдэд Сэлэнгэ, Увс, Дорнод, Хэнтий, Хөвсгөл, Дархан-Уул, Архангай, Сүхбаатар, Говьсүмбэр, Төв аймгуудад
• Зургаадугаар сарын 24-нөөс долоодугаар сарын 8-ны өдрүүдэд Өвөрхангай, Завхан, Говь-Алтай, Ховд, Дундговь, Баянхонгор, Баян-Өлгий, Дорноговь, Өмнөговь аймгууд болон Улаанбаатар хотод тус тус явагдана.

Тооллогын хугацаанд тусгайлан бэлтгэгдсэн тоологч нар иргэд, ААНБ-уудаас биечлэн очиж батлагдсан маягтын дагуу мэдээлэл авна.

Хөдөө аж ахуйн тооллогодоо идэвхтэй оролцохыг ард иргэд, аж ахуйн нэгжүүддээ уриалж байна гэж Үндэсний статистикийн хорооноос мэдээллээ.

Эх сурвалж: ҮСХ