/2022.05.20/ Монгол Улсын Засгийн газрын 410 дугаар тогтоолын дагуу энэ оны нэгдүгээр сарын 1-ний өдрөөс тавдугаар сарын 31-ныг хүртэл айл өрхийн цахилгааны төлбөрт тодорхой хөнгөлөлт үзүүлэхээр болсон билээ.

Тодруулбал, орон сууцны айл өрхийн сард хэрэглэсэн 250 кВт.ц хүртэл, гэр хорооллын айл өрхийн сард хэрэглэсэн 350 кВт.ц хүртэл төлбөрийг төрөөс хариуцах шийдвэр гаргасан. Тэгвэл уг хугацаа зургаадугаар сарын 1-нд дуусаж, ирэх сараас эхлэн цахилгаан эрчим хүчний төлбөрөө хэрэглэгч өөрөө бүрэн хариуцах юм.