Хойд Солонгост 187,800 хүнийг тусгаарлаж, 6 хүн нас барлаа
 

Хойд Солонгост 187,800 хүнийг тусгаарлаж, 6 хүн нас барлаа

A 'hygienic and anti-epidemic official' checks the body heat of a traveller aboard a bus as part of preventative measures against coronavirus, at a roadblock at the entrance to Wonsan, Kangwon province

/2022.05.13/: Өндөр халуурснаас болж зургаан хүн нас барсан тухай Хойд Солонгосын төрийн хэвлэлүүд ковидын анхны тохиолдол бүртгэгдсэний маргааш мэдэгдлээ.

Дөрөвдүгээр сарын сүүлчээс хойш тус улсад тархсан гарал үүсэл нь тодорхойгүй өндөр халуурдаг хувилбар гарсны дараа 187,800 хүн тусгаарлагдаж эмчлүүлж байна гэж албан ёсны KCNA агентлаг мэдээлэв.

Ойролцоогоор 350,000 хүн халуурсан шинж тэмдэг илэрсэн бөгөөд тэдний 162,200-г нь эмчилсэн байна. Халууралтын шинж тэмдэг илэрсэн дор хаяж зургаан хүн нас барсан бөгөөд эдгээр тохиолдлуудын нэг нь вирусын Omicron хувилбараар халдварласан болох нь батлагдсан гэж KCNA мэдэгдэв.

БНАСАУ-ын захирагч Ким Чен Ун мягмар гарагт вирусын эсрэг командын төвд зочилж, "хамгийн ноцтой онц байдал" зарлаж, үндэсний хэмжээнд хөл хорио тогтоохыг тушаав.

Covid-19 news: North Korea reports its first cases of the pandemic | New  Scientist

Өчигдрийг болтол Хойд Солонгос нэг ч Ковид тохиолдол бүртгэгдээгүй гэж мэдэгдэж байсан.

Мэргэжилтнүүдийн үзэж байгаагаар 25 сая хүн амынхаа нэгийг нь ч вакцинд хамруулаагүй Хойд Солонгост Omicron хувилбарыг тархсан нь ноцтой эрсдэл учруулж болзошгүй бөгөөд эрүүл мэндийн тусламж үйлчилгээ нь нөөц муутай тул томоохон дэгдэлтийг даван туулахад хэцүү байх болно гэлээ.

Тус улс НҮБ-ын дэмжлэгтэй Ковакс хөтөлбөрөөс санал болгож буй вакцинаас татгалзаж байгаа юм.

Сөүлийн Евха их сургуулийн профессор Лейф-Эрик Эйсли хэлэхдээ, Хойд Солонгосын чанга хатуу дэглэм коронавирусын тохиолдлыг олон нийтэд хүлээн зөвшөөрч байгаагаас харахад "нийгмийн эрүүл мэндийн байдал ноцтой түвшинд байгааг харуулж байна" гэв.

Ажилчдын намын хурлын үеэр төрийн төв телевиз анх удаагаа Ерөнхийлөгч Кимийг маск зүүж байгааг харуулсан нь асуудал хурцадсаны дохио юм.

Эх сурвалж: Guardian

Өнөөдөр ажиллах дархлаажуулалтын цэгүүдийн хаяг, байршлууд
 
Үр тарианы тариалалт 57.8 хувьтай байна
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.