/2022.04.16/ Засгийн газрын ээлжит бус хуралдаанаар "Шударга өрсөлдөөн хэрэглэгчийн төлөө газар"-ын даргаар С.Мөнхчулууныг томилжээ.

Өчигдрийн Засгийн газрын ээлжит бус хуралдаанаар төсвийн тодотгол хэлэлцэж байх үеэр түүнийг томилсон байна. ШӨХТГ-ын өмнөх дарга Т.Гантулгыг энэ оны нэгдүгээр сарын 19-нд томилж байсан ч, тэрээр өөрийн хүсэлтээр чөлөөлөгдөх хүсэлтээ өгөөд байсан аж.

С.Мөнхчулуун нь 1979 онд төржээ. 1997-2001 онд Техникийн их сургуулийг механик инженер, 2011-2013 онд Удирдлагын академийг төрийн удирдлагын магистр зэрэгтэй тус тус төгссөн юм байна. Ажилласан байдлын хувьд 2009-2010 онд Нийслэлийн Өмчийн харилцааны газарт Бүртгэлийн мэргэжилтэн, 2010-2012 онд Нийслэлийн Өмчийн харилцааны газарт Төр, хувийн хэвшлийн түншлэл, концессын хэлтсийн дарга, 2012-2016 онд Сонгинохайрхан дүүргийн Засаг даргын Тамгын газрын дарга хийж байжээ.