/2022.03.15/: Украины мөргөлдөөний үеэр Орос Хятадаас цэргийн болон санхүүгийн тусламж хүссэн байна.

Хятадаас хүссэн тусламжийн дотор цэргийн бэлэн хоол буюу MRE гэгддэг урьдчилан савласан, мууддаггүй цэргийн хүнсний иж бүрдэл байсан талаар эх сурвалж мэдээлжээ.

Урагш байрлуулсан нэгжүүд хангамжийн цуваагаа байнга давж давшсан бөгөөд нээлттэй эх сурвалжийн мэдээлснээр Оросын цэргүүд довтолгоо ахих тусам хүнсний дэлгүүрүүд рүү нэвтэрч, хоол хүнс хайж байсан.

Украины эсрэг явуулж буй дайны хүрээнд Орост хүссэн цэрэг, санхүүгийн тусламж үзүүлэхэд Хятад улс тодорхой хэмжээнд нээлттэй байгаагаа илэрхийлсэн тухай мэдээлэл АНУ-д байгаа гэж АНУ-ын дипломатч CNN-д ярьж, НАТО-д тагнуулын мэдээллээ хуваалцжээ.

Хятад улс Орост ийм тусламж үзүүлэх бодолтой байгаа эсэх нь одоогоор тодорхойгүй байна гэж тагнуулын албаны хүмүүс CNN агентлагт ярьжээ. Гэвч Ромд болсон долоон цаг үргэлжилсэн ширүүн уулзалтын үеэр АНУ-ын ерөнхийлөгчийн дээд туслах "Орос улсад тусламж үзүүлвэл гарч болох үр дагаврыг Хятадад анхаарууллаа" гэж АНУ-ын засгийн газрын өндөр албан тушаалтан мэдэгдэв.

Эх сурвалж: CNN