/2022.03.10/ Төв аймгийн Зуунмод сумын хүүхдийн төлөө салбар зөвлөл өнөөдөр анхдугаар хуралдаанаа хийжээ.
Анхдугаар хуралдаанаар 2022 оны төлөвлөгөөгөө баталж дараах ажлуудыг хийж хэрэгжүүлэхээр болсон байна. Тодруулбал,
- Зуунмод хотын аж ахуйн нэгж, байгууллагын эцэг эхийн зөвлөлийн зөвлөгөөн хийх,
- хүүхдийн чуулган хуралдуулах,
- электрон тамхины худалдааг хориглох,
- хүүхдэд ээлтэй байгууллага шалгаруулах,
- сар бүр хүүхдийн аян зарлах зэрэг ажлуудыг зохион байгуулахаар шийдвэрлэжээ.
Тус сум 18-аас доош насны хүүхдүүдэд электрон тамхи худалдаалахгүй аж.
Дашрамд дурдахад Электрон тамхины доторх шингэн нь жимсний үнэртэй байдаг ч никотины агууламж өндөр байдаг байна. АНУ-ын Өвчний хяналт, урьдчилан сэргийлэх төв /CDC/-ийн мэдээлснээр 2020 оны хоёрдугаар сар гэхэд тус улсад электрон тамхинаас болж 68 хүн нас барж байжээ.
