/2022.02.23/: Мягмар гарагт ОХУ-аас Украины зүүн нутгийн салан тусгаарлах бүс нутгуудад цэргээ оруулах тушаал өгсний дараа HSBC зах зээлийн хор уршгийн талаар анхааруулжээ.
Австрийн Raiffeisen Bank International "хямралын төлөвлөгөө"-г бэлтгэсний дараа Европын банкууд мягмар гарагт гарах үр дагаварт бэлдэж шинэ хориг арга хэмжээ авахаар зэхсэн байна.
Европын банкууд, ялангуяа Австри, Итали, Францын банкууд Орос улсын нөлөөнд хамгийн их өртдөг бөгөөд засгийн газрууд тус улсын эсрэг шинэ хориг арга хэмжээ авахаар хэдэн долоо хоногийн турш өндөржүүлсэн бэлэн байдалд ажиллаж байна.
Европын холбоо Оросын төрийн бондын арилжааг хориглох, олон зуун хүнд хориг арга хэмжээ авах тухай хэлэлцэж байна. Мөн АНУ хориг арга хэмжээний багцыг бэлтгэж байна.
Баруун Европын удирдагчид Украин дахь Оросын сүүлийн алхамд хэр нухацтай хандаж байгааг илтгэх үүднээс Германы канцлер Олаф Шольц Европын хамгийн том эдийн засгийн ирээдүйн чухал эрчим хүчний эх үүсвэр болох "Хойд урсгал-2" хийн хоолойн гэрчилгээг царцаахаар болсноо мэдэгдэв.
Европын хамгийн том банкуудын нэг болох HSBC (HSBA.L)-ийн босс мягмар гарагт Украины хямрал гүнзгийрч байгаа нь дэлхийн зах зээлд "өргөн тархах" эрсдэлд санаа зовж буйгаа мэдэгдэв.
Орос, Украинд томоохон үйл ажиллагаа эрхэлдэг RBI (RBIV.VI) компани мэдэгдэхдээ бизнес одоо хэвийн байгаа, гэхдээ хямрал хурцадсан тохиолдолд банкны сүүлийн хэдэн долоо хоногт бэлтгэж байсан хямралын төлөвлөгөө хэрэгжиж эхэлнэ хэмээжээ.
Мягмар гарагийн үдээс хойш Австрийн зээлдэгчийн хувьцааны ханш өдрийн доод цэгээс таван хувиар буурчээ.
ОХУ-д томоохон байр суурь эзэлдэг Нидерландын ING компани "Мөргөлдөөн улам хурцдаж байгаа нь томоохон сөрөг үр дагаварт хүргэж болзошгүй" гэж мэдэгджээ.
Бодлого боловсруулагчид хориг арга хэмжээний багцыг нэгтгэхээр улайрч байгаа тул Германы банкууд хориг арга хэмжээ нь "нарийвчилсан бөгөөд хоёрдмол утгагүй байх ёстой" гэж мэдэгдэж, санхүүгийн фирмүүдэд үүнийг хэрэгжүүлэхэд хүндрэл учруулах боломжийг арилгах ёстой гэжээ.
Одоогоор банкууд хориг арга хэмжээ авах эсэх нь тодорхойгүй байна. "Бид нөхцөл байдлыг хянаж байна" гэж Брюссель дэх Европын банкны холбооны төлөөлөгч мэдэгдэв.
Эх сурвалж: Ройтерс
