/2022.02.21/ Цус сэлбэлт судлалын үндэсний төвөөс цусаа өгөхийн өмнө анхаарах зүйлс болон ямар тохиолдолд цусаа өгч болохгүй шалтгааны талаар зөвлөмж гаргасныг хүргэж байна.
Юуны өмнө та ковид-19, Омикрон хувилбараар халдвардасан бол эдгэрсэнээс хойш 28 хоногийн дараа та цусаа өгөх боломжтой аж. Мөн ковидын вакцин хийлгэснээс хойш 14 хоногийн дараа цусаа хандивлах боломжтой.
Цусаа өгөхийн өмнө анхаарах зүйлс:
- Иргэний үнэмлэхтэй ирэх
- 6-аас дээш цаг унтаж амрах
- Шингэн зүйл ердийн үеийнхээс их хэмжээгээр уух
- Цусаа өгөхийн өмнөх 3 хоногт согтууруулах ундаа хэрэглээгүй байх
- Өнгөтэй ундаа, жүүс угаагүй байх
- Сүүтэй цай, сүүн бүтээгдэхүүн хэрэглээгүй байх
- Өөх, тос ихтэй хоол хэрэглээгүй байх
- Эм, тариа 10-14 хоногт хэрэглээгүй байх
Цусаа өгөхөөс татгалзах найман шалтгаан:
- Жирэмсэн болон хөхүүл үед
- Мэс ажилбарын дараа
- Сүүлийн 6 сарын хугацаанд шивээс хийлгэсэн бол
- Шүдээ авхуулсны дараа 10 хоног
- Зүү эмчилгээний дараа 6 сар
- Сарын тэмдэг ирж дууссаны дараа 10 хоног
- Харшил сэдэрсэн бол
- Таны биед ямар нэгэн зовиур байгаа бол та цусаа өгч болохгүй гэдгийг анхаарах хэрэгтэй.
Эх сурвалж: ЦССҮТ
