/2022.02.16/ Эмэгтэйчүүдийн ганцаарчилсан богино үзүүлбэрийн төрөл өчигдөр болж 15 настай ОХУ-ын уран гулгагч Камила Валиева нэгдүгээр байрт шалгарчээ.

Тэрбээр 82,16 оноотойгоор тэмцээнийг тэргүүлсэн байна.

Өчигдөр болсон богино үзүүлбэрийн төрөлд нийт 25 тамирчин оролцсон аж.

Валиевагийн араас ОХУ-ын тамирчин Анна Щербакова 80.20 оноотойгоор хоёрдугаар байрт орсон бол Японы уран гулгагч Каори Сакамото 79.84 оноо авч гуравдугаарт оржээ.

Валиева Спортын арбитрын шүүхээс /CAS/ гаргасан шийдвэрийн дагуу Бээжингийн олимпын наадамд үргэлжлүүлэн оролцхоор болсон ч сэргээштэй холбоотой асуудлыг дахин авч хэлэлцэх юм. Тэрбээр хориотой бодис болох триметазидин яагаад түүний биеэс илэрсэн талаар тайлбар өгөхдөө "энэ нь өвөөгийнх нь хэрэглэдэг зүрхний эм байсан" гэж хариулжээ.

Эх сурвалж: Olympics.com