/2022.02.11/: Франц улс баасан гараг болон амралтын өдрүүдэд Парис хот болоод түүний эргэн тойронд олон мянган цагдаа байрлуулж, "Эрх чөлөөний цуваа"-ны жолооч нарыг оруулахгүйн тулд нийслэл рүү ордог гол замууд дахь төлбөр хураамжийн цэгүүдэд хяналтын цэгүүд байгуулна гэж Парис хотын цагдаагийн газраас мэдэгдэв.
Парис руу орохгүй байх тушаал гарсан хэдий ч Ковид-19-ийн хязгаарлалтыг эсэргүүцэж буй автомашины жолоочид Канад улсад болж буй дуут дохионы жагсаалаас урам аван Францын олон хотоос нийслэлд Порист цугларах гэж байна.
Харин Францын "Эрх чөлөөний цуваа" жагсаалын жолооч нарын ард 2018/2019 оны дөрөвдүгээр сард болсон ерөнхийлөгчийн сонгуулиас хойш 2 сарын дараа ерөнхийлөгч Эммануэль Макроны эсрэг хэд хэдэн бүлгийг нэгтгэж засгийн газрын эсрэг "Шар хантаазтан" хөдөлгөөнийг хэт барууны үзэлтэй зарим улстөрч байгаа гэх шинж тэмдэг илэрч байгааг харуулж байна. "Бид гурван жилийн турш дороо тойрон эргэлдэж байна. Би канадчуудыг хараад "Тэдний хийж байгаа зүйл гайхалтай" гэж өөртөө хэлсэн. Найман өдрийн дотор тэсрэлт боллоо" гэж баруун урд зүгээс Парис руу чиглэн тэтгэвэрт гарсан жолооч Жан-Мари Азайс хэлэв.
Жолооч нарын эсэргүүцэл нь Францын вакцины гэрчилгээний журмын эсрэг жагсаалын давалгааны дараа болж байгаа бөгөөд энэ журамд хүмүүс баар, ресторан, кино театр болон бусад олон нийтийн газар нэвтрэхийн тулд COVID-ийн эсрэг вакцинд хамрагдсан гэдгийг нотлох баримт үзүүлэхийг шаардаж байгаа ажээ.
Канад улсад эсэргүүцлийн жагсаал нь ачааны машины жолоочид хилээр нэвтрүүлэх вакцины мандатад уурлаж бухимдсан бол Францад өдөр бүр хүмүүс COVID-ийн хязгаарлалтад байгаадаа бухимдаж өөрсдийн машиндаа суун жсжргүүцэн жагсах гэж байна. Тулуз хотод пүрэв гарагт фургон, моторт гэр машин, автомашины цуваа зогсоолоос "шар хантаазтан" жагсаалын оролцогч нартай адил гэрэл цацруулагчтай хантааз өмссөн хөдөлжээ.
Янз бүрийн цуваа баасан гарагт Парисын гадна ирэх төлөвтэй байгаа бөгөөд тэдний тоо тодорхойгүй байна. Жагсагчдаас ирэх аливаа эсэргүүцэлд мотоцикль, хүнд даацын тоног төхөөрөмжтэй цагдаа нар шуурхай хариу арга хэмжээ авахад бэлэн байхаар байрлажээ. "Эрх чөлөөний цуваа"-ын зарим дэмжигчид жагсагчдыг Парис хотын гадна байрлуулсан хязгаарлалтын ард үлдэх ёсгүй гэж мэдэгдэв. "Эрх баригчид бүх хүмүүсийг зогсоож чадахгүй" гэж жолооч нарыг дэмжиж буй Тулуз хотын иргэн хэлэв. "Цуваанууд нэвтрэх ёстой, тэд нэвтрэх оролдого хийх ёстой."
"Шар хантаазтан"-ын бослого Макроны ерөнхийлөгчийн албыг хэдэн сарын турш ганхуулж, амьдралын өртөг өндөртэй байгаа болоод хотын элитүүд энгийн ард түмний өдөр тутмын зовлон зүдгүүрээс хол хөндий байгаад бухимдан жагссан байдаг. Эрчим хүчний үнэ огцом өсч, эдийн засгийн хүчтэй сэргэлт инфляцийг өсгөж байгаа энэ үед айл өрхүүдийн төсөв дахин хумигдаж байгаа нь засгийн газраас иргэдийн бухимдлыг таслан зогсоохын тулд хэсэгчилсэн арга хэмжээ авахад хүргэж байгаа ажээ.
Эх сурвалж: Ройтерс
