/2022.01.20/ НӨАТ-ын тухай хуулийн дагуу улирал бүр НӨАТ-ын хоёр хувийн буцаан олголтыг олгодог билээ. 2021 оны IV улиралд НӨАТ-ын буцаан олголтоор 1,2 сая иргэнд 63 тэрбум төгрөгийг буцаан олгоно.

Өнгөрсөн 2021 оны III улирлаас эхлэн НӨАТ-ын буцаан олголтоороо хөрөнгийн татваруудаа шимтгэлгүй төлөх боломж бүрдсэн. Үүний дагуу 56 мянган иргэн хөрөнгөнд ногдох (галт зэвсэг, автомашин, үл хөдлөх, газар) татвар болох 6,1 тэрбум төгрөгийн хөрөнгийн татвараа төлөх боломжтой байна.

Та бүхэн НӨАТ-ын буцаан олголтоороо шимтгэлгүй, хялбар аргаар хөрөнгийн татвараа ebarimt дээрээ "тийм" товч дарж төлөөрэй.