13 настай Монгол охиныг зодсон Солонгос сурагчдад хорих ял оноожээ
 

13 настай Монгол охиныг зодсон Солонгос сурагчдад хорих ял оноожээ

/2022.01.13/ 13 настай Монгол охиныг бүлэглэж зодсон дөрвөн Солонгос охин тус бүр хүүхдийн хорих ангид ял эдлэхээр болжээ.

Өнөөдөр буюу нэгдүгээр сарын 13-нд БНСУ-д сурдаг 13 настай Монгол охиныг зургаан цагийн турш бүлэглэж зодсон дөрвөн Солонгос охиныг яллах шүүх хурал амжилттай боллоо.

2021 оны арваннэгдүгээр сарын 27-нд Ульсан хотын прокурорын зүгээс яллагдагч 2 охиныг насанд хүрээгүй гэх шалтгаанаар ялаас чөлөөлж, үлдсэн 2 охиныг эцэг эхийн хяналтад байлгах ял шийтгэлийг төлөвлөсөн байсан.

Тиймээс БНСУ дахь гадаад иргэдийн эрхийг хамгаалах ТББ-ын зүгээс хохирогч охины эцэг эхийн хамт БНСУ-н хэвлэл мэдээлэлд гомдол гаргажээ. Солонгос улсын үндэсний телевиз болох SBS, MBS, JTBC-ийн шударга үнэний талд зогсож өгсөний хүчинд уг хэрэг Солонгос улс даяар цацагдаж, БНСУ-ын Ерөнхийлөгч, ЦЕГ, Хүний эрхийн өмгөөлөгчийн эрчимжүүлсэн ажиллагааны дор шалгасны үр дүнд дөрвөн Солонгос охидод тус бүр хүүхдийн хорих ангид ял эдлүүлэх шийдвэрийг оноожээ.

Эх сурвалж: ГИЭРХ

Өнөөдөр үүлэрхэг, ялимгүй цас орно
Хятадын зах зээлд коксжих нүүрс, төмрийн хүдрийн ханш өсөв
Сэтгэгдэл (2)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.