2021.07.30

Өнөөдөр НҮБ-ын Хүүхдийн Сангаас КОВИД-19 цар талын эмчилгээнд хэрэглэх 850 мянган ам.долларын үнэ бүхий Дексаметазон, Кетамин тариа, хүчилтөрөгч өтгөрүүлэгч дагалдах хэрэгслийн хамт, пульсоксиметр зэргийг Монгол Улсын Засгийн газарт хүлээлгэн өглөө.

Эдгээр тоног төхөөрөмжийг НҮБ-ын Хүүхдийн Сангийн бага болон дунд орлоготой улс орнуудад эрүүл мэндийн тоног төхөөрөмж, эм ханган нийлүүлэх зорилгоор байгуулсан ACT-A SFF (ACT-A Supplies Financing Facility) сангаар дамжуулан, Канад улсын Засгийн газрын санхүүжилтээр олгож байгаа юм.

Хүлээн авсан эм, хэрэгсэл, тоног төхөөрөмжийг Монгол Улсын 21 аймаг, нийслэлийн 9 дүүрэг, 3 амаржих газар, Эрүүл мэндийн яамны харьяа эмнэлгүүд болон КОВИД-19 халдвартай өвчтнийг хүлээн авч эмчилж байгаа бусад салбар яамны харьяа эмнэлгүүдэд буюу нийт 43 эмнэлэгт албан ёсоор хуваарилж өгсөн болохыг Эрүүл мэндийн сайд С.Энхболд тэмдэглэв.