/2022.01.05/: Вашингтон дахь Атлантын зөвлөлийн ахлах зөвлөх Харлан Уллман АНУ-ын дотоод, гадаад улс төрийн асуудлыг шийдвэрлэхийн тулд Цагаан ордны өмнөх тэргүүнүүдээс бүрдэх зөвлөлийг хуралдуулах шаардлагатай гэж үзэж байгаа тухай The Hill мэдээлэв.

“Кэмп Дэвид хотод хуучин ерөнхийлөгчдийн зөвлөл удаан хугацааны дараа хуралдуулахаар дуудвал ерөнхийлөгч асан Жимми Картер наснаасаа болоод оролцохгүй байж магадгүй. Харин ерөнхийлөгч асан Билл Клинтон, Жорж Буш, Барак Обама, Дональд Трамп нар хамтдаа ерөнхийлөгчийн 32 жилийн туршлагыг нийлүүлж болох юм” гэж шинжээч хэлэв.

Түүний хэлснээр, энэ санааг ОХУ-ын Ерөнхийлөгч Владимир Путин, БНХАУ-ын дарга Ши Жиньпин нартай хамтарсан уулзалтын үеэр мэдэгдэж хүргэх ёстой аж.

Уллман мөн зөвлөлийн гол ажил бол талуудын ашиг сонирхолд нийцсэн буулт хийх явдал гэж үзэж байгаагаа илэрхийлэв.

Нэмж дурдахад тэрээр 18-р зууны үндсэн хуулийн хоцрогдлоос болж АНУ-ын улс төрийн тогтолцоо хямралд орсон гэж мэдэгдэв. Хоёр намын тогтолцооны онцлогоос шалтгаалан үндсэн баримт бичигт нэмэлт, өөрчлөлт оруулах боломжгүйг шинжээч онцлов.

"Энэ бол хамгийн хачирхалтай уулзалт байх болно. Гэхдээ манай улсын хямралын хүнд байдлыг харгалзан үзвэл өөр хувилбар байгаа гэж?" хэмээн Улман нэмж хэлэв.

Өмнө нь Брукингсийн хүрээлэнгийн ахлах судлаач Томас Райт Украины хямралаас болж АНУ тэргүүтэй нэг туйлт ертөнц устаж буйгаа зарласан. Крымыг Орост нэгтгэсэн, Сирид хөндлөнгөөс оролцож, Хятад улс Өмнөд Хятадын тэнгист хиймэл арлууд барьж, Турк цэргийн хүчийг ашигласан нь гадаад бодлогын орчин өөрчлөгдсөний нотолгоо юм гэж тэрээр тэмдэглэв.

Эх сурвалж: gazeta