/2021.12.09/ УИХ-ын чуулганы өнөөдрийн хуралдаанаар Хүний хувийн мэдээллийг хамгаалах тухай, Нийтийн мэдээллийн тухай, Цахим гарын үсгийн тухай хуулийн төслүүдийн эцсийн хэлэлцүүлгийг хийж байна.

Энэ үеэр УИХ-ын гишүүн Д.Ганбат үг хэллээ.

Тэрбээр, "МАН-ын хурал сая боллоо. Азид анх удаа байгуулагдсан нам гэж байна лээ. Мөн Монгол Улсын улс төрийн ууган хүчин гэсэн. Гэтэл БНСУ-д манай 13 настай охин 6 цаг хэрцгийгээр зодуулсан байна. Энэ мэдээ БНСУ-ын хэвлэл мэдээллээр цацагдаж л ил болсон. Охины ээж арга бараад элчин сайдын яаманд хандах ямар ч итгэл найдваргүй болсон гээд ярьж байна лээ. Засаг төр барьж, 100 жил болсон намын өмнөөс Монгол Улсын иргэнийхээ хувьд ичиж байна. Засгийн газрын зүгээс БНСУ-д байгаа Элчин сайд, ГХЯ-ныхаа сайдтай хариуцлага тооц. Өмнөд Солонгост очиж ард иргэдийнхээ амьдралтай танилц" гэв.