/2021.12.06/ Монголын төрийг 44 жил тасралтгүй жолоодсон Юмжаагийн Цэдэнбал агсныг цагаатгасан тогтоолыг Сүхбаатар дүүргийн Иргэний хэргийн шүүхээс арванхоёрдугаар сарын 6 буюу өнөөдөр өглөөний 08:30 цагт гардан авчээ.

Ю.Цэдэнбал агсныг хэлмэгдсэнд тооцуулж, цагаатгуулах тухай нэхэмжлэл бүхий иргэний хэргийг энэ оны аравдугаар сарын 5-ны өдөр тус шүүхээс хянан хэлэлцсэн юм.

Шүүх хуралд өргөдөл гаргагч түүхийн шинжлэх ухааны доктор профессор, Юмжаагийн Цэдэнбалын намтар судлаач Ц.Жамбалсүрэн, гавьяат хуульч, өмгөөлөгч С.Нарангэрэл, өмгөөлөгч Ж.Жавзандулам нар оролцсон билээ.