/2021.12.03/ Цахим орчинд нэгэн ээж бага насны хүүхдээ "хичээлээ муу, буруу хийлээ" гэж зодож, харааж байгаа бичлэг нийтлэгдсэн.

Энэхүү хэргийг шалгахад энэ оны арваннэгдүгээр сарын 29-ны өдөр 15:00 цагт Дорнод аймгийн Хэрлэн сумын иргэн С нь өөрийн нөхөр С-тэй маргалдаж, бие биенийгээ хэл амаар доромжилсон байна. Энэ үеэр эхнэр С нь уурандаа хичээл хийж байсан 6 настай хүүгээ үсэг бичиж чадахгүй байна гэсэн шалтгаанаар “тэжээлийн доройтолтой, пизда” гэх зэргээр доромжлон нуруун тус газар нь 2 удаа гараар, 1 удаа бүсээр ороолгож цохьсон нөхцөл байдал гэр бүлийн гишүүдийн мэдүүлэг, цахим орчинд цацагдсан бичлэгээр тогтоогдсон.

Цагдаагийн байгууллагаас С-ийн гаргасан үйлдэлд хариуцлага тооцох, хүүхдэд учирсан гэмтлийг тогтоох чиглэлээр шалгалтын ажиллагаа үргэлжилж байна гэв.