/2021.12.02/ БНСУ-ын дунд сургуулийн сурагчид бүлэглэн сургуулийнхаа Монгол охиныг зодож, хүчээр архи уулган, 6 цаг өрөөнд нь хорьж хүчирхийлсэн ноцтой хэрэг гарсан.

Тэд охиныг хүчирхийлсэн бичлэгээ 5000 орчим воноор бусдад худалдсан талаар БНСУ-ын MBC телевизээр мэдээлсэн юм.

Энэ талаар Гадаад хэргийн яамнаас тодруулахад, "Монгол Улсаас БНСУ-ын Пусан хотод суугаа Консулын газраас харьяа цагдаагийн газарт хандсан. ГХЯ-наас тодруулга авах гээд шат шатандаа ажиллаж байна" гэсэн юм.