/2021.11.29/ “Соёлын бүтээлч үйлдвэрлэлийг дэмжих тухай” анхдагч хуулийн төсөл, үзэл баримтлалыг олон нийтэд танилцуулан хэлэлцүүлэг өрнүүлж байна.

Үүнтэй холбогдуулан Судалгааны багийн гишүүн, судлаач Д.Даариймаа, "БНСУ-ын “Squid game” цуврал дэлхий нийтийг байлдан дагуулж байна. Уг киноны агуулгын хувьд тодорхой нэг санааг үзэгчдэд өгч байгаа ч хүчирхийллийг харуулсан байдаг. “Squid game” цувралыг бүтээсэн өртөг 22 сая ам.доллар хүрээгүй ч киногоор олох ашиг нь 900 сая ам.долларт хүрнэ гэх хүлээлттэй байгааг Bloomberg-ээс хийсэн мэдээлэлд дурдсан байдаг.

900 сая ам.доллар гэдэг нь манай соёл урлагийн салбарын статистикаас авсан тоо буюу орлоготой харьцуулбал 17 дахин их. Үндэсний тооцооны систем дэх дотоодын нийт бүтээгдэхүүнтэй харьцуулбал 6.8 хувийг эзэлж байна.

Ганцхан кино нэг улсын ДНБ-ий тодорхой хувийг эзэлж байгаа нь анхаарал татахуйц байна" гэсэн юм.